ក្នុងការគ្រប់គ្រងនគរ ចំណុចស្លាប់រស់នៅត្រង់លើអ្នកដឹកនាំ និងមន្ត្រី (ស្តេច និង មន្ត្រី) បើមេដឹកនាំ និងអ្នកខាងក្រោមមានចិត្តមួយថ្លើមមួយ រួបរួមគ្នាដើម្បីសម្រេចគោលដៅរួមតែមួយ នោះប្រទេសជាតិ ឬនគរនឹងខ្លាំងក្លាទៅបាន។ ប៉ុន្តែបើអ្នកដឹកនាំមានចក្ខុវិស័យផ្សេង និងអ្នកដើរតាមមានគោលដៅផ្សេង គឺមិនអាចសម្រេចគោលដៅរួមគ្នាបានទេ។ ដូច្នោះ ចំណុចពិសេសមួយក្នុងការណ៍ត្រូវមានសាមគ្គីគ្នារវាងអ្នកដឹកនាំ និងអ្នកដើរតាមជាមុនសិន។
ប្រទេសឈីងខ្លាំង ដោយសារតែព្រះមហាក្សត្រមានការតាំងព្រះទ័យដើម្បីកែប្រែច្បាប់ទម្លាប់ប្រទេសឱ្យខ្លាំង ហើយមានអ្នកអនុវត្តច្បាប់យ៉ាងតឹងរឹងទៀតច្បាប់នោះមានប្រសិទ្ធភាព។ ជាលទ្ធផល គឺមិនខុសបំណងឡើយ ប្រទេសឈីង ប្រែពីទន់ខ្សោយទៅជាខ្លាំងបាន កែប្រែប្រវត្តិសាស្ត្រគួរឱ្យកត់សម្គាល់និងកោតសរសើរណាស់៕